Mae Iechyd Cyhoeddus Cymru wedi nodi 10 Cam sy’n effeithio os ydy plentyn yn bwysau iach pan fyddant yn bump oed ac wedi datblygu rhaglen waith (10 Cam i Bwysau Iach) i wella gwybodaeth, agweddau ac ymddygiadau rhieni, gofalwyr a neiniau a theidiau mewn perthynas â’r 10 Cam.

Er mwyn cael dealltwriaeth o wybodaeth, agweddau ac ymddygiadau rhieni a gofalwyr plant 0-5 oed mewn perthynas â gor-bwysau a gordewdra, a’r ffactorau sy’n dylanwadu ar hyn, comisiynodd Iechyd Cyhoeddus Cymru Beaufort Research i gynnal arolwg ffôn o sampl gynrychioledig o 1,500 o rieni a gofalwyr plant rhwng 0 a 5 oed yng Nghymru.

Darparodd yr Ymchwil mewnwelediad ar ddealltwriaeth rhieni o effeithiau iechyd o fod dros bwysau neu’n ordew yn 5 oed (e.e. diet, cwsg, bwydo ar y fron, chwarae y tu allan, amser sgrin); gwybodaeth, agweddau ac ymddygiadau mewn perthynas â’r ffactorau a nodwyd sy’n dylanwadu i blant fod dros bwysau; a datgelodd wahaniaethau mewn gwybodaeth, agweddau ac ymddygiadau yn ôl oedran, ardaloedd daearyddol, ethnigrwydd a statws cyflogaeth rhieni a gofalwyr.

Llywiodd yr arolwg hwn raglen o waith mewn perthynas ag atal gordewdra, gan alluogi Iechyd Cyhoeddus Cymru i dargedu adnoddau yn effeithiol, ac yn barhaus, bydd yr arolwg yn galluogi monitro a gwerthuso’r 10 Cam at raglen Pwysau Iach.